| eksporti for presado: vertikala formato (PDF) kverformato (PDF) | montru ĉiujn eksport-formatojn |
| verkinto [voknomo] | titolo | lingvo | publikigo | identiga kodo | lasta modifo | aspekto |
|---|---|---|---|---|---|---|
| Wilhelm Busch | * Die Fliege | Germana | Arg-1953-971 | 2014-03-03 23:08 Manfred | nur tiun aldonu | |
| laborgrupo 100 jaroj Esperanto en Kronach | La muŝo | Esperanto | Arg-1954-971 | 2014-03-04 13:41 Manfred | nur tiun forigu |
Wilhelm Busch, |
| tradukita de laborgrupo 100 jaroj Esperanto en Kronach |
| Jen, post la manĝ', kiam li satas, |
| la inspektor' ripozi ŝatas. |
| Sed venas muŝo, kiu zumas |
| kaj la orelon ĉirkaŭumas. |
| Ektimigita el dormeto, |
| la viro diras: "Nun kvieto!" |
| La muŝo nun, vi tion vidas, |
| sur lia kalva kapo sidas. |
| "Mi kaptos vin, malica besto!" |
| li krias kun minaca gesto. |
| Al tablo iras li singarde, |
| sed psike bolas li jam arde! |
| Spektaklo jen, rigardu lin, |
| li kun lerteco kaptas ĝin! |
| Nun, post la ĉas' kontrolas li |
| kaptitan beston tie ĉi. |
| Jen! Zum! La muŝo pro teruro |
| sin liberigas, sed sen kruro. |
| Sed nun li kun batilo venas, |
| la vervon li ne plu retenas. |
| Do, kaj por certe kapti ĝin |
| sur seĝon li starigas sin. |
| Sed krak! La seĝo tuj rompiĝas, |
| la muŝo ridas kaj foriĝas. |
| Kaj nun per sia tuta forto |
| la muŝon batas li al morto. |
| La inspektoro kun kontento |
| "Mi venkis!" diras li, sen pento. |
| La paŭzo ofte taŭgas pli, |
| se muŝo estas ne ĉe vi. |
| Traduko de la Germana poemo "Die Fliege" de Wilhelm Busch (*1832-04-15 - †1908-01-09) en Esperanton de laborgrupo 100 jaroj Esperanto en Kronach. Tiu ĉi poem-traduko aperis en la GEA-revuo "Esperanto aktuell", n-ro 2014-1. La tradukon faris komune la partoprenintoj de la festo "Cent jaroj de Esperanto en Kronach (Bavario)". |