Doris Wildgrube,
Sankta vespero |
| |
| translated by Manfred Retzlaff |
| |
| Venas je la jaro-fino |
| Sankta de l’ Vesper’ trankvil’, |
| regas jen en ĉiuj ĉambroj |
| de multnombraj lumoj bril’. |
| |
| Multaj bonaj aĵoj kuŝas |
| sur la dono-tabloj por |
| la infanoj, sed enestas |
| veo-sent’ en mia kor’. |
| |
| Multaj homoj sur la Tero |
| havas zorgojn tiom da; |
| milionoj da infanoj |
| ne ricevas donojn ja. |
| |
| Ho Sinjor’, finfine lasu |
| regi pacon sur la Ter’: |
| ĉar por ni nur tiam estos |
| vere Sankta la Vesper’. |
| |
Translation of the German poem "Heiligabend"
by Doris Wildgrube into Esperanto by
Manfred Retzlaff (*1938-11-04) on 2007-11-07. |
