poezio.net - Poem

author [first name]	title	language	publication	id code	last modification	view
William Wordsworth	* The Daffodils	English		Arg-73-39	2003-10-17 22:02 mgr	only this add
Manfredo Ratislavo	La narcisoj	Esperanto	1997-03.12	Arg-74-39	2014-09-02 14:14 Manfred	only this add
Hans Hennecke	Die Narzissen [-]	German		Arg-75-39	2004-02-01 18:36 Manfred	only this add
Krys Ungar	Dafodiloj	Esperanto		Arg-632-39	2009-09-20 15:01 Manfred	only this remove

translated by Krys Ungar

Mi vagis sola kiel nub'

Altflosas super la kampar'

Kaj tiam tuj aperis trup'

De dafodiloj; ora ar'

Apud la lag', sub arba tend'

Flirtis kaj dancis en la vent'.

Senbreĉe kiel astra bril'

Sur Lakta Voj' flagretas, jen

Sterniĝis ili en defil'

Senfine laŭ la laghaven'.

Rigardon kaptis la balanc'

De dekmil kapoj en la danc'.

Apudaj ondoj dancis, sed

Triumfon gajnis floroj ĉi,

Devigis gajon de poet'

Plej joviala kompani':

Mi rigardadis sen atent',

Ke min riĉigos la prezent'.

Ĉar ofte, kiam kuŝas mi

Penseme, aŭ en menslangvor',

Ekfulmas ili tra l' konsci' -

La beno de solema hor';

La koro pro pleniga ĝu'

Kun dafodiloj dancas plu.

Translation of the English poem "The
Daffodils" by William Wordsworth (*1770
- †1850) into Esperanto by Krys
Ungar (Krys Bottrill).