| export for printing: portrait (PDF) landscape (PDF) | [show all export formats] |
| author [first name] | title | language | publication | id code | last modification | view |
|---|---|---|---|---|---|---|
| Franz Zwach | Mein Gedanke | German | Arg-963-276 | 2009-11-06 22:11 mgr | only this add | |
| Ludwig Lazarus Zamenhof | * Mia penso | Esperanto | Arg-558-276 | 2005-01-30 22:08 Manfred | only this remove | |
| Manfred Retzlaff | Meine Gedanken | German | 1997-01-21 | Arg-559-276 | LZ-1-5 | 2009-11-06 22:15 mgr | only this add |
Ludwig Lazarus Zamenhof, |
| Sur la kampo, for de l’ mondo, |
| antaŭ nokto de somero, |
| amikino en la rondo |
| kantas kanton pri l’ espero, |
| kaj pri vivo detruita |
| ŝi rakontas kompatante, - |
| mia vundo refrapita |
| min doloras resangante. |
| „Ĉu vi dormas, ho sinjoro, |
| kial tia senmoveco? |
| Ha, kredeble rememoro |
| el la kara infaneco?“ |
| Kion diri? Ne ploranta |
| povas esti parolado |
| kun fraŭlino ripozanta |
| post somera promenado! |
| Mia penso kaj turmento |
| kaj doloroj kaj esperoj! |
| Kiom de mi en silento |
| al vi iris jam oferoj! |
| Kiun havis mi plej karon1) |
| la junecon - mi ploranta |
| metis mem sur la altaron |
| de la devo ordonanta! |
| Fajron sentas mi interne, |
| vivi ankaŭ mi deziras, ... |
| Io pelas min eterne, |
| se mi al gajuloj iras ... |
| Se ne plaĉos al la sorto |
| mia peno kaj laboro ... |
| Venu tuj al mi la morto, |
| en espero ... sen doloro. |
| Author of this Esperanto poem is Ludwig Lazarus Zamenhof (Ludoviko Lazaro Zamenhofo, *1859-12-15 - †1917-04-14). |
| 1) anstataŭ „Kion havis mi plej karan“, kiel origine skribis Zamenhofo, pro la pli konvena rimparo „karon - altaron“. |