| export for printing: portrait (PDF) landscape (PDF) | [show all export formats] |
| author [first name] | title | language | publication | id code | last modification | view |
|---|---|---|---|---|---|---|
| Heinrich Heine | * Weberlied | German | 1844-04-10 | Arg-486-242 | 2005-11-20 19:14 Manfred | only this add |
| Alfred Conzeth | Teksista kanto | Esperanto | Arg-674-242 | 2005-11-20 19:17 Manfred | only this remove |
Heinrich Heine, |
| translated by Alfred Conzeth |
| Tiu kvarstrofa versio de la poemo, kiun tradukis Alfred Conzeth, aperis en 1844-07-10 en la Pariza revuo "Vorwärts" (= "Antaŭen"), la organo de germanaj elmigrintoj. |
| Nenia larmeto en sombraj okuloj, |
| Jen sidas teksistoj, mizeraj povruloj; |
| Germana Praregno, mort-tukon ni teksas, |
| Kaj en ĝin trioblan malbenon ni plektas! |
| Ni teksas, ni teksas, teksadas! |
| Malbenon al Dio, la blinda, la surda, |
| Al kiu ni preĝis en kredo absurda. |
| Ni vane esperis, ni vane predikis. |
| Li trompis simie, nin eĉ mistifikis! |
| Ni teksas, ni teksas, teksadas! |
| Malbenon al Reĝo, al reĝ' de riĉuloj, |
| Ne vidas suferon de ni mizeruloj! |
| Li premas el ni la lastan pundon |
| Kaj lasas mortigi nin kiel hundon! |
| Ni teksas, ni teksas, teksadas! |
| Malbenon al nia Patrujo maljusta, |
| Jen kie prosperas nur trompo embuska! |
| Jen kie ĉe putro nur morta kaduko - |
| Germana Praregno, jen via mort-tuko!1) |
| Ni teksas, ni teksas, teksadas! |
| Translation of the German poem "Weberlied" by Heinrich Heine (*1797-12-13 - †1856-02-17) into Esperanto by Alfred Conzeth (*1913-12-08 - †1998-05-16). Alfred Conzeth vivis en Mettmann ĉe la germana urbo Düsseldorf. Li estis profesia presisisto kaj korektisto ĉe la eldonejo Droste en Düsseldorf. Li mem eldonis Esperanto-broŝurojn kaj diversajn tradukojn kaj tradukis ankaŭ mem. Li estis dum multaj jaroj la eldonisto de la informilo de la Esperanto-Societo de Düsseldorf, la "Radsaltanto". [Laŭ informo el la libro "Esperanto - ein Ausweg aus Babylon? 95 Jahre Esperanto in Düsseldorf", eldonita en 2002 de Edeltraud kaj Max Hans-Jürgen Mattusch kunlabore kun la Esperanto-Societo Düsseldorf] |
| 1) Alfred Conzeth skribis "Germana Reĝujo". Mi, Manfred Retzlaff, anstataŭigis la vorton per "Praregno"; ĉar tiu ŝajnas al mi pli konvena. |