| export for printing: portrait (PDF) landscape (PDF) | [show all export formats] |
| author [first name] | title | language | publication | id code | last modification | view |
|---|---|---|---|---|---|---|
| Manfredo Ratislavo | Kristnokto (strofoj 1 - 5) | Esperanto | 2003-01-08 | Arg-339-170 | MR-394-6 | 2013-01-22 22:44 Manfred | only this remove |
| Robert Ernst Prutz | * Christkind (Strophen 1 - 5) | German | Arg-338-170 | 2013-01-23 09:29 Manfred | only this add |
Robert Ernst Prutz, |
| translated by Manfredo Ratislavo |
| 1. Sankta Nokto, sur flugiloj |
| De anĝeloj venas vi, |
| Kaj aŭdiĝas sonoriloj, |
| Helajn lumojn vidas mi. |
| Plenaj estas la kabanoj |
| De ĉiela beno, la |
| ĝojaj kantoj de l' infanoj |
| Jen jubilas supren ja. |
| 2. Sankta Nokt', kun kantoj viaj |
| Kaj kun brilo venas vi |
| Ree nun al domoj niaj, |
| Kia iam estis vi, |
| Kiam palmoj pli susuris, |
| Dum krepuske inter si |
| Tero kaj ĉiel' murmuris |
| Vortojn de l' Evangeli'; |
| 3. Kiam per la mano Dia |
| Malfermiĝis la ĉiel' |
| Kaj prezentis sin al nia |
| Vido ties brila hel'; |
| Kiam por anonc' de l' paco |
| Al ni homoj tie ĉi |
| Suben de l' ĉiela spaco |
| Venis la anĝel' de Di'; |
| 4. Kiam el la oriento |
| La tri magoj pro ador' |
| Venis kun donac-prezento |
| Al la Filo de l' Sinjor'; |
| Kiam la Patrin' pensante |
| Klinis sin dum nokta hor' |
| Al la Filo, jen sentante |
| Egan ĝojon en la kor'. |
| 5. Sankta nokt’, kun mil kandeloj |
| Vin solene levas vi. |
| Ho leviĝu, stel’ de l’ steloj, |
| En la koroj pli kaj pli ! |
| Vidu, brilas nun surtere |
| De l’ ĉiela amo grac’! |
| Regu am’, fariĝu vere |
| Sur la Tero fine pac’! |
| Translation of the German poem "Christkind (Strophen 1 - 5)" by Robert Ernst Prutz (*1816 - †1872) into Esperanto by Manfredo Ratislavo (Manfred Retzlaff, Stettiner Str. 16, D-59302 Oelde, Germanio, *1938-11-04) on 2003-01-08. |