| export for printing: portrait (PDF) landscape (PDF) | [show all export formats] |
| author [first name] | title | language | publication | id code | last modification | view |
|---|---|---|---|---|---|---|
| Gießner, Joachim | Al la ĝojo | Esperanto | Arg-889-133 | 2008-02-27 19:35 Manfred | only this add | |
| Kalocsay, Kálmán | Al la ĝojo | Esperanto | 1958 | Arg-263-133 | 2004-01-16 21:13 Manfred | only this remove |
| Ratislavo, Manfredo | Al la ĝojo | Esperanto | 1982 | Arg-264-133 | 2004-01-16 21:22 Manfred | only this remove |
| Schiller, Friedrich | * An die Freude | German | Arg-262-133 | 2004-01-16 21:17 Manfred | only this add |
Friedrich Schiller, | Friedrich Schiller, | |
| translated by Manfredo Ratislavo | translated by Kálmán Kalocsay | |
| Ĝojo, bela sparko dia, | Ĝoj'! Fajrero belradia! | |
| de l’ ĉielo vi filin’, | Elizea di-filin'! | |
| ĝoje staras ni en via | fajrebrie ni al via | |
| templo kaj adoras vin. | templo iras, preĝi vin. | |
| Sorĉe ĉio religiĝas, | Ĉesu, de vi sorĉligate | |
| kio apartigis sin, | de l' rigora mod' la ŝir', | |
| ĉiuj homoj gefratiĝas, | ĉiuj homoj sentas frate, | |
| kie vi restigas vin. | se vi ŝirmas per flugil'. | |
| Ĥoro: | Ĥoro: | |
| Estu chirkaŭbrakumitaj, | Jen brakumoj al milmiloj, | |
| lasu kisi vin, homar’ ! | Jen ĉi kis' al tuta mond'! | |
| Estu unu amikar' | Fratoj! super stela rond' | |
| ĉiuj homoj disigitaj!1) | loĝas patro por ni, filoj! | |
| Se vi faris grandan ĵeton | Se la granda ĵet' bontrafis | |
| kaj amikon gajnis vi, | kaj amikon gajnis vi, | |
| aŭ akiris virineton, | se virina am' vin ravis: | |
| kunjubilu vi kun ni ! | Vin enmiksu kun ĝojkri'! | |
| Ja – se vin nur amas iu | Jes, se eĉ nur unu koro | |
| en la bela, vasta mond’! | estas via en la mond'! | |
| Kiu restas sola, tiu | Kaj se ne -- do vin kun ploro | |
| plore iru el la rond’! | ŝtelu for el nia mond'. | |
| Ĥoro: | Ĥoro: | |
| ...... | Ĉiu sub ĉielo glata | |
| ...... | donu sin al simpati', | |
| ...... | al la steloj gvidas ĝi, | |
| ...... | kie tronas Nekonata. | |
| ...... | Ĉiu sur la brust' Natura | |
| ...... | suĉas sukon de la ĝoj' | |
| ...... | kor' malbona, koro pura | |
| ...... | sekvas ŝin laŭ roza voj'. | |
| ...... | Ŝi vinberojn, kisojn donas | |
| ...... | kaj amikon sen pridub', | |
| ...... | en volupt' la vermo dronas, | |
| ...... | vidas Dion la kerub'. | |
| Ĥoro: | Ĥoro: | |
| ...... | Ĉu genuas vi, milmiloj? | |
| ...... | Vi kreinton sentas, mond'? | |
| ...... | Serĉu super stela rond', | |
| ...... | loĝas Li trans astro-briloj! | |
| ...... | En eterno de l' Naturo | |
| ...... | Ĝojo estas la risort'. | |
| ...... | En la mondhorloĝ' por kuro | |
| ...... | radojn pelas ŝia fort'. | |
| ...... | Ŝi el ĝermoj logas berojn, | |
| ...... | sunojn regas ŝia gvid' | |
| ...... | Ŝi tra l' spaco rulas sferojn | |
| ...... | trans la astronoma vid'. | |
| Ĥoro: | Ĥoro: | |
| ...... | Kiel sur la pompaj vojoj | |
| ...... | sunoj sur la firmament', | |
| ...... | gaje marŝu, frata gent', | |
| ...... | kiel venki la herooj! | |
| ...... | Esploriston ŝi alridas | |
| ...... | el la fajrspegul' de l' Ver', | |
| ...... | sur krutaĵ' de l' Virto gvidas | |
| ...... | ŝi la homon de toler', | |
| ...... | sur Kred-Monto sunobrila | |
| ...... | flirtas ŝia flag' el or', | |
| ...... | ŝin tra l' fendo ĉerk-kovrila | |
| ...... | vidas ni en anĝel-ĥor'. | |
| Ĥoro: | Ĥoro: | |
| ...... | Ho toleron, paciencon, | |
| ...... | fratoj, por pli bona mond'! | |
| ...... | Donos super stela rond' | |
| ...... | granda Dio rekompencon! | |
| ...... | Ĉu pripagi diojn? Vanto! | |
| ...... | Ĉu simili? Bela pen'! | |
| ...... | Venu ĝoji kun ĝojanto | |
| ...... | la mizero, la ĉagren'. | |
| ...... | Venĝ'? Kolero? En forgeson! | |
| ...... | Jen pardon' al malamik'! | |
| ...... | Liaj larmoj havu ĉeson, | |
| ...... | lin ne boru pento-pik'. | |
| Ĥoro: | Ĥoro: | |
| ...... | En ŝuldlibroj plu nenio! | |
| ...... | Mondon regu harmoni'! | |
| ...... | Fratoj! Kiel juĝis vi, | |
| ...... | tiel juĝos pri vi Dio! | |
| ...... | Ĝojo ŝaŭmas en pokaloj, | |
| ...... | en orsango de l' vinber', | |
| ...... | mildon trinkas kanibaloj, | |
| ...... | heroecon malesper'. | |
| ...... | Se rondiras la botelo, | |
| ...... | fratoj, saltu el la sid', | |
| ...... | ŝprucu ŝaŭmo al ĉielo: | |
| ...... | Jen ĉi glas', por Bon-Spirit'! | |
| Ĥoro: | Ĥoro: | |
| ...... | Himnas Lin abismo stela, | |
| ...... | serafar' kun glora cit'. | |
| ...... | Jen ĉi glas' por Bon-Spirit', | |
| ...... | supre, trans la tend' ĉiela! | |
| ...... | En suferoj: firma forto, | |
| ...... | al senhelpaj: ŝirma brust', | |
| ...... | eternec' al ĵura vorto, | |
| ...... | eĉ al malamiko: just'. | |
| ...... | Virfiero kontraŭ tronoj, | |
| ...... | kvankam sangon kostu spit', | |
| ...... | al merito estu kronoj, | |
| ...... | kaj pereo al insid'! | |
| Ĥoro: | Ĥoro: | |
| ...... | Fermu vin en sankta rondo, | |
| ...... | Ĵuru do kun glaso-lev', | |
| ...... | pri l' fidelo al la Dev', | |
| ...... | je l' Reganto de l' Stel-Mondo! | |
| Translation of the German poem "An die Freude" by Friedrich Schiller (Frederiko Ŝilero, *1759 - †1805) into Esperanto by Manfredo Ratislavo (Manfred Retzlaff, Stettiner Str. 16, D-59302 Oelde, Germanio, *1938-11-04) on 1982. | ||
| Translation of the German poem "An die Freude" by Friedrich Schiller (Frederiko Ŝilero, *1759 - †1805) into Esperanto by Kálmán Kalocsay (Kalmano Kaloĉajo, *1911 - †1976) on 1958. | ||
| 1) Tiu verso ne tute redonas la enhavon de la koresponda origina strofo. |