Poezio
piece of old paper
Esperanto Angla Germana
bonveniga paĝo listo de la poemoj listo de la tradukaĵoj listo de poetoj Poezio en nombroj registri
 eksporti for presado: vertikala formato (PDF) kverformato (PDF) | montru ĉiujn eksport-formatojn
verkinto  [voknomo] titolo lingvo publikigo identiga kodo lasta modifo aspekto
Richard Schulz * Ordinara romanco Esperanto Arg-1923-954 2013-12-18 17:28 Manfred nur tiun forigu

Richard Schulz,
Ordinara romanco

 
Li kaj ŝi jam konas sin delonge,
pli precize, jam de dek-du jaroj,
kaj ilian amon kvazaŭ sponge
sorbis for unua grizaj haroj.
 
Tre dolore ili jen silentas,
jen dolore ankaŭ babilaĉas,
kisas sin, sed jam kisante pentas,
ĉar la kisoj tute ne plu plaĉas.
 
Foje ŝi senhelpe ekploregas.
Tion li rigardas tre ĝenite.
Li ĉagrenon sian ame flegas.
Tion ŝi suferas tre premite.
 
"Ni promenu iom ĉe la bordo!"
diris li kaj ŝi pri tio miras.
Ili do promenas laŭ la fjordo,
ree venas hejmen kaj sopiras.
 
La feliĉo ege for elglitis.
"Ĉu vi do la pordon bone ŝlosis?"
Ili sin rigardi eĉ evitis.
Sed la botojn ili zorge brosis.
 
 
Verkinto de tiu ĉi Esperanta poemo estas
Richard Schulz (Rikardo Ŝulco, *1906-07-12
- †1997-09-26).

Tiu ĉi poemo aperis en 1979-10-01 en la
"Vestfaliaj Flugfolioj", eldonitaj de
Rikardo Ŝulco (Richard Schulz), en la
numero 791001. Pri la verkinto vidu la
vikipedian retejon
http://eo.wikipedia.org/wiki/Richard_Schulz.