| eksporti for presado: vertikala formato (PDF) kverformato (PDF) | montru ĉiujn eksport-formatojn |
| verkinto [voknomo] | titolo | lingvo | publikigo | identiga kodo | lasta modifo | aspekto |
|---|---|---|---|---|---|---|
| N. N. 05 | * Ich bin Soldat | Germana | Arg-562-278 | 2005-02-02 11:40 Manfred | nur tiun aldonu | |
| Manfredo Ratislavo | Soldat' mi estas | Esperanto | 2003-04 | Arg-563-278 | MR-403-1b | 2005-02-02 11:43 Manfred | nur tiun forigu |
N. N. 05, |
| tradukita de Manfredo Ratislavo |
| 1. Soldat’ mi estas, sed nur malvolonte, |
| ne estis iam demandita mi. |
| Kaptata estis mi, ke mi estonte |
| servadu en armea kompani’. |
| De l’ karulin’, de l’ cirklo amikara |
| Perforte estis forŝirata mi, |
| turmentas la ĉagren’ min, la amara, |
| kolere pensas mi pri tio ĉi. |
| 2. Soldat’ mi estas, sed nur kontraŭvole, |
| ne amas la soldat-vestaĵon mi. |
| Por min defendi ja sufiĉus sole |
| baston’ kaj ne arme-infanteri’. |
| Por kio vi soldatojn, aĥ, bezonas? |
| Regantoj, diru tion vi al mi! |
| Por via glor’ – pri ghi vi fanfaronas – |
| la greno-kampojn distretigas vi. |
| 3. Soldat’ mi estas, devas nur marŝadi |
| - anstataŭ laborad’ posteno-star’ - |
| kaj antaŭ oficiroj salutadi, |
| orgojlon vidi de l’ arogular’. |
| Mi devas murdi homojn senkompate, |
| el kiuj ĉiu estas mia frat’, |
| Kaj kripligite vokos mi malsate |
| post la milito: „Estis mi soldat’!“ |
| 4. Vi turnu vin nun unu al alia |
| amike, fratoj el Franci’ aŭ Germani’! |
| Egalas la kolor’ de vesto via, |
| Salutu vin ne plu per munici’! |
| Ni hejmen marŝu! Ek al nia tero! |
| Forpelu la tiranojn ni de ĝi! |
| Nur ili ja militas, de l’ libero |
| soldat’ volonte volas esti mi! |
| Traduko de la Germana poemo "Ich bin Soldat" de N. N. 05 en Esperanton de Manfredo Ratislavo (Manfred Retzlaff, Stettiner Str. 16, D-59302 Oelde, Germanio, *1938-11-04) en 2003-04. |